}

كاریگه‌ری یاریكردن له‌سه‌ر منداڵ

هەمەڕەنگ 06:55 PM - 2021-11-20

یاری و منداڵ دوو دوانه‌ی لێكدانه‌بڕاون، لایه‌نێكی گرنگی قۆناغی منداڵییه‌، به‌هۆی یاری و یاریكردنه‌وه‌ توانای هزری و جه‌سته‌یی منداڵ گه‌شه‌ده‌كات و كۆنتڕۆڵی جوڵه‌كانی ده‌كات و كه‌سایه‌تی و متمانه‌ی پێ بنیات ده‌نرێت؟ ئه‌گه‌ر سه‌رمایه‌ی گه‌وره‌كان لایه‌نه‌ ماددییه‌كه‌ بێت، ئه‌وا گه‌وره‌ترین سه‌رمایه‌ی منداڵ یارییه‌كانیه‌تی، بۆ ئه‌م مه‌به‌سته‌ PUKmedia گفتوگۆی كرد له‌گه‌ڵ مامۆستا په‌یام ئیبراهیم، چیرۆك نوسی منداڵان و بۆ PUKmedia وتی.....
یاری به‌به‌شێكی گرنگ و پێویستیه‌كی  ژیانی منداڵ داده‌نرێت فه‌یله‌سوفان ده‌ڵێن
كاتێك كه‌منداڵێك ده‌بینێت یاری ده‌كات، ئه‌وه‌ ئه‌وكاته‌یه‌ كه‌ مامه‌ڵه‌ له‌گه‌ڵ بیركردنه‌وه‌كانی خۆیدا ده‌كات، تێده‌فكرێت و بیرده‌كاته‌وه‌ منداڵ هه‌ر له‌سه‌ره‌تاكانی ته‌مه‌نیدا له‌یاریكردنه‌وه‌ ده‌ست به‌گه‌شه‌ ده‌كات یارییه‌كان به‌پێی ته‌مه‌ن و قۆناغی منداڵ ده‌گۆڕێت له‌ته‌مه‌نی ساوایدا یارییه‌كانی منداڵ له‌ده‌ستدان له‌پرچ و ده‌موچاوی دایكیه‌وه‌ ده‌ستپێده‌كات ورده‌ورده‌ ئه‌م پڕۆسه‌یه‌ گه‌شه‌ده‌كات و ده‌سته‌كانی زیاتر به‌كاردێنێت ئه‌مه‌ش كاریگه‌ری ده‌بێت له‌سه‌ر به‌هێز بونی ماسولكه‌كانی ده‌ست و قاچه‌كانی له‌م قۆناغه‌ی ته‌مه‌ندا واباشتره‌ یارییه‌كانی منداڵ نه‌رمو ڕه‌نگاو ڕه‌نگ بن، چونكه‌ له‌وێوه‌ وله‌ڕێگه‌ی یارییه‌وه‌ ده‌ستده‌كات به‌ناسینه‌وه‌ی ڕه‌نگه‌كان و قه‌باره‌و شێوه‌ی ئه‌وشتانه‌ی كه‌یارییان پێده‌كات له‌گه‌ڵ گه‌وره‌بونیدا یارییه‌كانیشی گۆڕانكاری به‌سه‌ردا دێت و له‌كاتی ڕۆشتنی بۆ باخچه‌ی منداڵان یاریكردنی له‌ترۆپكدایه‌ بۆیه‌ ئه‌ركی باخچه‌كانی منداڵان زۆر گرانه‌ له‌هه‌ڵبژاردنی ئه‌ویاریانه‌ كه‌ منداڵ فێرده‌كات و په‌روه‌رده‌یی ده‌كات لێره‌وه‌ ئیتر یارییه‌كان به‌گروپ ده‌ست پێده‌كات ئه‌مه‌ش مناڵ فێرده‌كات چۆن مامه‌ڵه‌ له‌گه‌ڵ كه‌سانی ده‌ره‌وه‌ی خێزانه‌كه‌یدا بكات فێری ئه‌وه‌ ده‌بێت
وتیشی: نابێت یارییه‌كان قۆرخ بكات و ته‌نها لای ئه‌و بن له‌ڕێگه‌ی یاریكردنه‌وه‌ ده‌توانین هه‌ستی متمانه‌ به‌خۆبون و ڕاستگۆیی و هه‌ست كردن به‌كه‌سانی خاوه‌ن پێداویستی تایبه‌ت له‌منداڵدا بچێنین .
بۆنمونه‌ كاتێك یاری چاوبه‌ستنه‌وه‌ له‌گه‌ڵ منداڵه‌كانماندا ده‌كه‌ین له‌و ڕێگه‌یه‌وه‌ فێری ده‌كه‌ین كه‌ كه‌سێكی نابینا چه‌ند پێویستی به‌هاوكارییه‌ وچه‌ند پێویسته‌ ڕێزی بگرین له‌ڕێی یاری ڕۆشتن له‌سه‌ر یه‌ك قاچ هه‌مان هه‌ست له‌منداڵه‌كانمادا دروست ده‌كه‌ین بۆیه‌ په‌یامی یاریكردن زۆر گرنگه‌ یاری به‌شێكی سه‌ره‌كیه‌ له‌ژیانی منداڵ.
ئه‌وه‌شی خسته‌ڕوو: بێگومان خێزان ڕۆڵێكی گه‌وره‌ ده‌گێڕێت له‌م نێوه‌نده‌دا به‌ هه‌ڵبژاردنی یاری گونجاوو ئامانجدار كه‌ تیادا منداڵ فێری به‌هایه‌ك بكرێت  یاریكردن هۆكارێكی زۆر گرنگه‌ كه‌ دایك وباوك بتوانن كه‌سایه‌تی منداڵه‌كانیانی لێوه‌ بونیاد بنێن چونكه‌ له‌ڕێی یاریكردنه‌وه‌ فێری هه‌ڵبژاردنی شته‌كان ده‌بێت فێری ئارام گرتن ده‌بێت 

به‌تایبه‌تی یارییه‌ جه‌سته‌ییه‌كان كه‌ كاریگه‌رییه‌كی زۆرباشی له‌سه‌ر ده‌رونی منداڵ هه‌یه‌، چونكه‌ منداڵ له‌م قۆناغه‌ی ته‌مه‌نیدا پڕه‌ له‌وزه‌ ده‌توانین له‌ڕێی یاریكردنه‌وه‌ ئه‌م وزه‌یه‌ی به‌كاربێنین و دوری بخه‌ینه‌وه‌ له‌یارییه‌ ئه‌لكترۆنییه‌كان كه‌زیانێكی زۆر له‌جه‌سته‌و ده‌رون و هزری منداڵ ده‌دات.

ده‌توانین له‌ڕێی یارییه‌ جه‌سته‌ی و فكرییه‌كانه‌وه‌ كه‌سایه‌تیه‌كی باش بۆ  منداڵه‌كانمان دروست بكه‌ین .

PUKmedia ئاماده‌كردنی/  چنار عزیز

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket