هەڵەبجە.. نەوت بە 90 هەزار دابەشدەکرێت

هەفتەی داهاتوو نەوتی سپی لە سنوری پاورێزگای هەڵەبجە دابەشدەکرێت و بەرمیلێک نەوت بە 90 هەزار دەبێت.

نوخشە ناسیح قایمقامی قەزای مەڵبەندی پارێزگای هەڵەبجە رایگەیاند: لەسەرەتای هەفتەی داهاتوو دابەشكردنی نەوتی سپی لە هەڵەبجە دەستپێدەكات و هەر خێزانێك یەك بەرمیل نەوت وەردەگرێت.

وتیشی: لە بەرامبەر هەر بەرمیلێك نەوت بڕی 90 هەزار دینار لە هاوڵاتیان وەردەگیرێت، کەئێمە لەهەوڵداین ئەو پارەیە کەم بکرێتەوە.

ئاماژەی بەوەشکرد، ئێمە ساڵانە پێویستمان بە 6 ملیۆن و 500 لیتر نەوت زیاترە کەدابەشی بکەن بەسەر هاوڵاتیاندا و ئەو برەی ساڵی پار لە حکومەتی عیراقەوە بەدەستمان گەیشت لەو بڕە کەمتر بوو.

ئەوەشیخستەروو، کەلەئێستادا ناحیەکان نەوتیان بەدەست گەیشتوەو لەهەفتەی داهاتوو دەگاتە ناو شار.

PUKmedia تایبەت