}

ئەمریكا بە مووشەك هاوكاری ئۆكرانیا دەكات

جیهان 12:26 PM - 2022-05-28

بڕیارە هەفتەی داهاتوو ئیدارەی جۆو بایدن بۆ بەهێزكردنی لایەنی جەنگی ئۆكرانیا، بە مووشەكی مەودا دوور هاوكاری ئەو وڵاتە بكات.

رۆژنامەی ول ستریت جۆرناڵ رایگەیاند: جۆو بایدن سەرۆكی ویلایەتە یەكگرتوەكانی ئەمریكا بە مووشەكی جۆری MLRS هاوكاری ئۆكرانیا دەكات تاوەكو لایەنی جەنگی ئەو وڵاتە دژی داگیركەران بەهێز بێت.

راشیگەیاند: مووشەكەكان دوور مەودان و یەكێكە لە هاوكارییە گەورەكانی سوپای ئەمریكا بۆ ئۆكرانیا، كە بڕیار وایە هەفتەی داهاتوو بۆی بنێرێت، ئەمەش لە كاتێكدایە فۆلۆدیمیر زیلینسكی و گەورە لێپرسراوانی ئۆكرانیا لە ماوەی رابردوودا داوای هاوكاری مووشەكیان لە ئەمریكا كرد.

لێپرسراوانی ئیدارەی بایدن ئاشكراشیان كرد: هۆكاری بەهانانەوە نەچوونی داواكاری بەرپرسانی ئۆكرانیا لەماوەی رابردوودا دەگەرێتەوە بۆ مەترسی جەنگی ئۆكرانیا و رووسیا، هاوكات لەماوەی پێشوودا رووسیا ئاگاداری كردنەوە كە ولایەتە یەكگرتوەكان خەتی سوور تێدەپەڕێنن گەر بێت و ئۆكرانیا بە چەك و مووشەك بەهێز بكات.

مووشەكەكانی ئەمریكا لە زەوییەوە بۆ زەوی ئاڕاستە دەكرێن، و بە خێرایی جوڵەكەی ناسراو، .بە كەمتر لە یەك دەقیقە توانای ئاڕاستە كردنی 12 مووشەكی هەیە. 

PUKmedia ئاژانسەكان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket