سلێمانی .. دوو تۆمەتبار دەستگیركران

مەفرەزەكانی‌ بنكەی‌ پۆلیسی‌ ئازادی‌ دوو تۆمەتباریان دەستگیركرد كە تەقەیان لەئوتۆمبێلێك كردبوو.
راگەیاندن و پەیوەندیەكانی پۆلیسی پارێزگای سلێمانی ئاشكرایكردوە:" دوای‌ ئەوەی‌ هاوڵاتییەك لەبنكەی‌ پۆلیسی‌ ئازادی‌ سكاڵای‌ یاسایی تۆماركرد كە تەقە لەئوتۆمبێلەكەی‌ كراوە، دەستبەجێ هێزەكانی‌ پۆلیس لێكۆڵینەوەو بەدواداچونیان بۆ دۆزینەوەو دەستگیركردنی‌ تۆمەتباران دەستپێكرد.
رونیشكراوەتەوە:" سەرەنجام‌و دوای‌ وەرگرتنی‌ بڕیاری‌ بەڕێز دادوەر، تونرا شوێنی‌ تۆمەتباران بدۆزرێتەوەو لەلایەن مەفرەزەكانی‌ بنكەی‌ پۆلیسی‌ ئازادی‌یەوە دەستگیركران. 
ئاماژە بەوەشدراوە:" لەئێستادا هەردو تۆمەتبار (ب، ش، ع) لەدایكبوی‌ 2004 و (ر، س، ع) لەدایكبوی‌ 2004 بەبڕیاری‌ بەڕێز دادوەر ڕاگیراون‌و لێكۆڵینەوەكان بەردەوامە.
PUKmedia بەڕێوەبەرایەتی‌ پۆلیسی‌ پارێزگای‌ سلێمانی‌ - ڕاگەیاندن‌و پەیوەندییەكان