}

هەرێم..داوای پێداچونەوە بەو بڕیارانە دەکرێت کەلەکاتی قەیرانی دارایی دەرکراوە

کوردستان 10:50 PM - 2022-05-28


ئەندامێکی ئەنجومەنی پارێزگای هەولێر رایدەگەنێت لەگەڵ ئەوگۆڕانکاریانەی لەرەوشی ئابووری و دارایی دروستبووە، پێویستە حکومەت دەست بەهەموو ئەو پڕۆژانە بکاتەوە کەبەهۆی قەیرانی داراییەوە وەستێندرابوو، ئاماژەی بەوەشکرد هاوڵاتیان و موچەخۆران لەم کاتانە لەچاوەڕانی دەستپێکردنەوەی پلەبەرزکردنەوە و خەرجکردنی دەرماڵەکان و دابەشکردنی موچەلەکاتی دەکەن،  پێشیوایە بەهۆی تێپەراندنی قەیرانی دارایی  هیچ بیانویەک نەماوە بۆ گەڕانەوەیان.

 حکومەتی هەرێم دلێر حسێن ئەندامی ئەنجومەنی پارێزگای هەولێر بە PUKmedia ی راگەیاند: لەگەڵ باشبوونی رەوشی دارایی هەرێم و بەرزبونەوەی نرخی نەوت، دەبوو حکومەت سەرجەم ئەو پڕۆژانە  دەست پێبکاتەوە،  کە پەیوەندی بە ژیانی هاوڵاتیانەوە هەیەو پێشتر  بەهۆی قەیرانی دارایی وەستێندرابوون.

وتیشی: جگە لە پرۆژەکان کاتی ئەوە هاتووە بەشێکی زۆر لە دەرماڵەو پلەبەرزکردنەوەی فەرمانبەران بگەڕێتەوە، کە ئەویش بەهەمان بیانو  ماوەی زیاتر لەهەشت ساڵەراگیراوە.

ئەو ئەندامەی ئەنجومەنی پارێزگای هەولێر ئاماژەی بەوەشکرد: گەڕانەوەی پارەی پاشەکەوتکراوی فەرمانبەران و دابەشکردنی موچە لەکاتی دیاری خۆی،  هەنگاوێکی دیکەیە پێویستە حکومەت لەگەڵ باشبوونی بارودۆخی دارایی ئەنجامی بدات.

دلێر حسێن تەئکیدیکردەوە:  بەهۆی ئەو رێوشوێنانەی لەسەرەتای 2014 بەناوی قەیرانی دارایی لەلایەن حکومەتی هەرێمی کوردستان گیراوەتەبەر، خەڵکی کوردستان رووبەرووی چەندین گرفتی دارایی و کۆمەڵایەتی و بێئومێدبوون بونەتەوە.

پێشیوایە:  باشکردنی ئەم رەوشە کە لەبنەڕەتدا گەڕانەوەی مافەیاساییەکانە، لەهەمانکاتدا  کاریگەری باشی لەسەر ژیان و گوزەرانی هاوڵاتیان دەبێت و دەبیتە هۆکارێک بۆ بەهێزبوونی پێگەی هەرێم لەناوخۆو دەرەوە.

PUKmedia  تەها عەبدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket